GOVERNU LOKÁL REALIZA SORUMUTU HO PATRAUN BUS DIRASAUN SAME-DILI

busGovernu lokál munisípiu Manufahi segunda-feira(17/02) realiza sorumutu ho patraun bus Dirasaun Same-Dili, hodi informa karta sirkulár ne’ebé Governu lokál fó sai hodi hatun tarifa pasazeiru Dili-Same husi Dollar Amárika 9 tun ba dollar Amérika 7 kada pasazeiru.

Admnistradór Munisípiu Manufahi Arantes Izaac Sarmento hateten iha sorumutu ne’e parte administrasaun hamutuk ho servisu dirasaun Transporte terrestrés no komandu distritu Polisia Manufahi, hodi informa kontiúdu karta sirkulár ne’ebé fó sai ba kareta nain sira atu apaár, nune’e mós parte Governu lokál rasik hakarak rona direitamente kareta nain sira nia preukupasaun.

87029584_2528135300758901_1013325717343043584_nIha sorumutu ne’e patraun bus Izasar Elisabet Izaac Sarmento ho patraun bus Leohili Deonísio Magno prontu kompri karta sirkulár ne’ebé governu fó sai, hodi aplika tarifa pasazeiru ho dollar Amárika 7 kada pasazeiru durante fulan tolu nia laran no parte governu lokál tenki realiza fali enkontru ho kareta nain sira hodi rona preukupasaun ne’ebé kareta nain sira infrenta, kareta nain sira mós husu governu Lokál atu kontrola no normaliza kareta pasazeiru ne’ebé halo operasaun tula pasazeiru la tuir lisensa ne’ebé durante ne’e aplika.

Patraun bus Leohili husu ba parte governu lokál atu estebeleze mós sirkulár ida ba tarifa sasan ne’ebé pasazeiru tula iha bus, tanba durante ne’e tarifa ne’ebé aplika ho osan dollar Amárika husi 10 to’o 20 resin konsidera baratu liu kompara ho munisípiu sira seluk.

Responde ba preukupasaun ne’e xéfi Polisia operasaun Manufahi Inspetór Polisia Nivio Baptista informa katak parte polisia kontinua halo kontrolu ba kareta pasazeiru ne’ebé la kompri lisensa, maibe husu kolaborasaun husi kareta nain ho kondotór sira atu informa ba parte polisia wainhira iha kondotór balun la kompri tanba kareta balun halo operasaun tula pasazeiru iha tuku tolu madruga.

Responde kona ba sirkulár tarifa tula sasan, diretór servisu Transporte terrestrés rejiaun Manufahi Tiágo Nicolau da Costa hateten governu lokál sei la regula tarifa tula sasan tanba ida ne’e konforme negosisaun entre kondotór ho pasazeiru ne’ebé tula sasan no governu lokál hasai karta sirkulár hodi regula deit tarifa ba pasazeiru.

Entretantu hafoin karta sirkulár ne’e aplika durante fulan tolu governu lokál sei konvoka hikas fali enkontru ho kareta nain sira hodi tetu hamutuk progresu kona ba karta sirkulár ne’ebé governu aplika.(Jugu)

 

copy right by MANUFAHI : Díariu JKM (Roman ba Sosiedade) Tersa-feira 18/02/2020

Posted in Uncategorized | Leave a comment

ARANTES LAMENTA : PROJETU EMERJÉNSIA 4 IHA POSTU ALAS HO FATUBERLIU SAI PROJETU ABANDONADU

82823628_2502611999977898_781699363725377536_nAdministradór Munisipiu Manufahi lamenta projetu 4 iha postu Fatuberliu ho postu Alas paradu durante tinan 2 to’o tinan 4 hodi fó impaktu ba komunidade sira.

Administradór munisipiu Manufahi Arantes Izac Sarmento hato’o lamentasaun nee wainhira lidera ekipa inspeksaun konjunta ne’ebé kompostu husi téknika Ajénsia dezenvolvimentu Nasionál Munisipiu, obras públika, SAS no ekipa téknika administrasaun munisípiu Manufahi kinta-feira (16/01) hala’o inspeksaun ba implementasaun projetu ne’ebe hetan kontratu husi governu sentrál ho kompaña implementadór sira iha postu Alas no Fatuberliu.

Arantes hateten parte governu lokál lamentadu tebes ho projetu emerjénsia ne’ebé governu sentrál fó kontratu ba kompaña implementadór sira hahú iha tinan 2016 to’o agora, balun paradu kompostu ponte tolu iha postu Fatuberliu no instalasaun bee mos iha postu Alas no la iha kontrolu maximu hodi finaliza obra ne’ebé ho durasaun tempu naruk, tanba ne’e parte ekipa inspeksaun sei bolu kompaña implementadór no sei rekomenda ba governu sentrál atu hapara hodi fó fali ba kompaña seluk hodi finaliza projektu hirak ne’e.
Tuir Arantes katak projetu 10 ne’ebé implementa iha postu Alas no Fatuberliu iha projetu 9 governu sentrál maka halo kontratu direita ho kompaña implemetadór sira maibe la iha kuñesementu ho governu local, tanba konsidera projektu emerjénsia maibe Adminstradór munisípiu Manufahi ne’e konsidera la’os projektu emerjensia maibe projetu abandonadu tanba paradu durante tinan 2 to’o tinan 4 ona.

Nune mós diretór obras públika munisipiu Manufahi Aniceto Andrade informa katak ponte tolu iha Fatuberliu gasta orsamentu rihun atus tolu resin no projetu hirak ne’e paradu inklui projetu instalasaun bee mos iha postu Alas paradu tanba projetu balun iha mudansa ba dezeñu inklui kompaña hasoru problema kona ba orsamentu.

Fatin hanesan kordenadór ajensia dezenvolvimentu nasional ADN munispiu Manufahi José Roberto Carlos hateten total projetu ne’ebé implementa iha Manufahi kompostu projektu liu husi fundus infrastruktura iha ptojektu 30 resin no PDIM iha projetu 30 resin, kona ba projetu balun ne’ebé paradu governu halo ona prosesu pagamentu ba kompaña balun no projetu balun sei dauk halo pagamentu tanba ne’e prejudika projetu balun provizori paradu.

Entretantu tuir informasaun ne’ebé jornalista sira rekolla husi fontes krédivel balun iha terenu katak husi total projektu ne’ebé implementa iha postu Alas,Same,Fatuberliu no Turiscai, kompostu projetu liu husi fundus infrastruktura 30 resin no programa PDIM iha projetu 30 resin, maibe iha projetu 15 liu husi programa PDIM maka prosesu tenderizasaun halo iha munispiu Manufahi maibe restante governu sentrál maka halo kontratu ho kompaña implementadór sira

 

MANUFAHI : Díariu JKM (Roman ba Sosiedade) Sesta-feira 17/01/2020

Posted in Uncategorized | Leave a comment

KANDIDATU TRABALLADÓR BA AUSTRALIA NA’IN 590 LIU TESTE FÍZUKU

83031249_2500588206846944_1519106653872455680_nKandidatu trabalLadór nain 590 iha Munisipiu Manufahi Liu teste Viziku atu sevicu Australia kompostu feto 509 no Mane 81.

Diretór SEFOPE Munisípiu Manufahi Alarico Fernandes tersa-feira ( 14/01) Informa husi total kandidatu ne’ebé tuir teste viziku hamutuk nian rihun ida resin ho rezultadu kandidatu nain 704 maka la Liu no kandidatu nain 590 mak liu atu ba serbisu iha Australia.

Alarico Fernandes klarifika ba kandidatu sira ne’ebé liu iha tempu badak ekipa SEFOPE Nasional Sei mai iha Manufahi hodi priense profile trabalhador Sira ne’ebé liu iha teste hodi Hein Kompaña husi Australia halo teste interview ba kandidatus trabalhadores nain 590 ne’e.

Directór SEFOPE Munisípiu Manufahi ne’e husu ba kandidatus nebe la Liu atu nafatin prepara fiziku hodi Hein oportunidade tuir Mai.

Entertantu lista kandidatus trabalhador ne’ebé pasa no sira ne’ebé la pasa Taka sai iha kuadru avizu iha loron Tersa-Feira (14/01) iha Edifisiu Administrasaun Munisipiu Manufahi no iha Postu Administrativo Fatin hat hanesan Alas Fatuberlihu Turiskai no Postu Administrativo Same.

 

MANUFAHI : Díariu JKM (Roman ba Sosiedade) Kuarta-feira 15/01/2020

Posted in Uncategorized | Leave a comment

MUNISÍPIU MANUFAHI PRONTU HAKAT BA ELISAUN KÁMARA MUNISÍPAL

81812316_2494601347445630_7485148430851899392_oMunisípiu Manufahi prontu no preparadu hakat ba elisaun munisípal iha tinan 2021-2022 maibe depende ba resultadu avaliasaun kondisaun mínumu husi ministériu administrasaun Estatal iha tinan 2020.

Administrasaun munisípiu Manufahi Arantes Izac Sarmento hato’o asuntu ne’e ba jornalista sira tersa-feira (07/01), relasiona ho ekipa avaliasaun husi MAE ne’ebé hahú ona hala’o avaliasaun minimu tuir servisu liña sektorál no servisu delegasaun teritoriál sira iha munisípiu Manufahi , inklui munisípiu sira seluk hodi avalia munisípiu ne’ebé prontu no preparadu hodi hakat ba elisaun kámara munisípal.

Arantes hateten iha parte operasionál no politika munisípiu Manufahi prontu ona hakat ba elisaun Munisípal no Manufahi halo ona preparasaun hahú kedas husi tinan 2016 to’o mai tinan 2019 maibe administrasaun munisípiu Manufahi presisa esforsu fó atensaun maximu ba lakunas balun ne’ebé mosu iha tinan 2019.

Tuir Arantes katak parte administrasaun munisípal segunda-feira (06/01) konvoka ona enkontru ho diretór delegasaun teritoriál sira, hodi hare fali prosesu planu stratéjiku dezenvolvimentu munisípal nian, prosesu aprovizionamentu, prosesu ezekusaun orsamentu inklui rekursus umanu kada instituisaun estradu nian iha Manufahi.

Administradór munisípiu Manufahi ne’e subliña relasaun ho preparasaun elisaun munisípal ne’e, ninia parte lakohi hare tan ona funsionáriu no diretór balun ne’ebé kontinua bosok ten no baruk ten iha tinan 2020, maibe funsionáriu kada liña sektoral sira tenki hala’o knár ho profesionalizmu no kada servizu idak-idak tenki lori ona nia serbisu besik liu komunidade la’os iha edifisiu deit.

 

MANUFAHI : Díariu JKM (Roman ba Sosiedade) kinta-feira 09/01/2020

Posted in Uncategorized | Leave a comment

Anin no udan boot estragus Komunidade Nia Uma iha Suco Clacoc Postu Fatuberliu Munisipio Manufahi

80686689_142976590468419_2671343459087941632_n.jpgpovo infrenta bai loron naruk durante fulan hirak ida  ne’e, komesa mosu fali  Anin no udan boot nebe akontese loron 26/12/19 halo estragus ba uma no sasan komunidade suco Clacoc  aldeia Tiro no Nalolo Postu Administrativo Fatuberliu Munisipio Manufahi uma ne’ebe kona dezastre kuaze lobuk ida e oras ne’e dadaun chefe aldia no chefe do suco sei hola lista hela kona ba vitima dezastre ida nee, atu nune’e bele hato’o ba iha Nasional hodi fo tulun ba komunidade nebe afeta ba deztre naturais.

Posted in Uncategorized | Leave a comment

GRUPU ARTEJENATU HUSI MUNISÍPIU 5 PARTISIPA FEIRA IHA LUAK MANUFAHI HODI KOMEMORA LORON 28 NOVEMBRUHO LORON 7 DEZEMBRU

77166575_2451717218400710_3624226896243326976_nAdministradór Munisípiu Manufahi Tersa-feira (26/11) ofisialmente loke abertura ekspozisaun durante loron 12 iha Luak Manufahi, hodi promove produtu lokál husi munisípiu lima.
Arantes Izac Sarmento hateten maske la iha orsamentu ne’ebé apoio ba aktividade feira ne’e, maibe administrasaun munisípiu Manufahi kria inisiativa hodi loke feira ne’e hetan apoio husi komunidade sira hodi fó oprtunidade ba grupu artejenatu feto husi munisípiu Viqueque,Dili,Liquisa Lautem,Baucau no munisípiu Manufahi. Hodi hatudu sira nia produtu hanesan Tais,homan,no produto sira seluk.

Tuir Arantes katak Grupu artejenatu sira ne’ebé partisipa iha feira ne’e, sira rasik selu sira nia transporte no komisaun organizadora prepara deit fatin, no feira ne’e realiza iha Luak hodi komemora loron proklamasaun independensia 28 Novembru ba dala 44 no loron invasaun 7 Desembru iha munisípiu Manufahi.

Fatin hanesan Maria da Costa Cabral husi Munisípiu Liquisa sente orgullu bele partisipa iha feira ne’e, ho objetivu la’os atu faan sira nia produtu, maibe atu hatudu no promove produtu lokal husi munisípiu Liquisa nian ba komunidade sira iha Munisípiu Manufahi..

Posted in Uncategorized | Leave a comment

Centru Radio Komunidade (CRC

76773236_2450045451901220_4060133039898886144_nCentru Radio Komunidade (CRC) Tersa-feira (26/11) fasilita formasaun hodi kapasita voluntariu jornalista Radio komunidade 1912 Manufahi durante loron 4 iha sala redasaun JKM remata sesta-feira( 29/11).

 

 

 

MANUFAHI : Diariu JKM (Roman ba sosiedade) tersa-feira 26/11/2019

 

Posted in Uncategorized | Leave a comment